Pas ngjarjes së rëndë të ndodhur në Spitalin e Elbasanit, ku një 25-vjeçare humbur jetën vetëm 1 orë pas sjelljes në jetë të fëmijës së saj të parë, janë arrestuar dy mjekë. Në pranga janë vënë Nikollaq Thano dhe Mehmet Ibaj.
Ndërkohë, mësohet se është shoqëruar në polici i gjithë stafi i spitalit që ka marrë pjesë në operacion.
Mes të shoqëruarve janë edhe mjekët që bënë operacionin për lindjen e fëmijës, Ardian Kadefciu dhe Kasem Dylgjeri. Mësohet se ata së bashku me dy infermiere, mjekun kardiolog, Mehmet Ibaj dhe reanimatori Nikollaq Thana, që ishin të pranishëm në sallën e operacionit janë shoqëruar në Komisariat.
Rexhina Debrova ndërroi jetë ditën e sotme pasi lindi fëmijën e saj të parë. 25-vjeçarja ka pësuar arrest kardiak pas lindjes dhe ka ndërruar jetë. Ndërkohë bebja është në gjendje të mirë shëndetësore.
Familjaret hodhën akuza ndaj bluzave të bardha për neglizhencë, ndërsa spitali reagoi duke shpjeguar se, e reja humbi jetën si pasojë e një komplikacioni, edhe pse mjekët i ofruan shërbimin maksimal. /BN/
