Banorët e Unazës së Re, si çdo ditë tjetër edhe mbrëmjen e sotme kanë dalë në protestë kundër prishjes së banesave të tyre.
Protestuesit shprehen të bindur se nuk do të dalin nga shtëpitë e tyre dhe nuk do lejojnë që ato të shemben.
Ata i kanë cilësuar kryeministrin Rama dhe kryebashkiakun Veliaj si turp i botës dhe haleja e Europës.
“Ta dini ju kriminelë, se nëse e prishni shtëpinë time, shtëpinë e kujtdo, jeni në gjak me mua dhe me tjerët. Ikni, na lini rehat. Turp i botës janë të gjithë. Edhe ndërkombëtarët për turp janë, mbështesin këta politikanë të korruptuar. Këta janë haleja e Europës. Unaza e bashkuar ka për të fituar.
Ju jeni turp i botës. Doni të prishni banesat. Por nuk do ta bëni dot. Po hyni në shtëpitë tona. Si iu vjen ju sikur t’ju vijnë në shtëpitë e juaja? Jemi familjarë, jemi me anëtarë familjeje. Jemi bashkë për të mos lejuar turpet e botës të shkelin pronën tonë. Jeni si ushtarët e Millosheviçit”-shprehen protestuesit.
