Ndeshja mes Laçit dhe Skënderbeut ka pasur disa momente pikante. 10’ dëgjohet një thirrje nga tribuna, teksa dikush këshillon Vangjelin: “Kristi, qetë! Mos e vrit mendjen fare. Mos u nervozo!”, duke bërë një lloj asistence për mbrojtësin.
20’ Ka probleme me topin. Sefgjinaj mendon se është disi i shfryrë dhe kërkon një tjetër sferë për të vijuar takimin.
55’ Starova e ka me Shtubinën. Trajneri këshillon sulmuesin të paktën tri apo katër herë për vendosje, detyra specifike dhe gjithçka duhet të bëjë në fushë. Duket sikur në fushë është vetëm Shtubina, por në fund gjithçka shpërblehet me 3 pikë.
