Një tragjedi ka goditur futbollin brazilian, pasi është ndarë nga jeta ish-futbollisti Valdiram Kaetano de Morais, në moshën 36-vjeçare.
Në Brazil policia dyshon se lojtari është vrarë, por ende nuk janë zbardhur rrethanat e sakta të ngjarjes.
Ish-sulmuesi ka luajtur në krah të lojtarëve të mëdhenj dhe njëri prej tyre ka qenë Romario. Por futbolli nuk është se i solli një jetë të mirë, pasi u fut në rrugën e drogës dhe abuzimeve seksuale.
Pasi u shpall më i mirë i Kupës së Brazilit në vitin 2006, ai filloi të mungojë në stërvitje dhe klubi shfuqizoi kontratën e tij në vitin 2007.
“Globo.com”, bën me dije se trupi i tij u gjet ditën e shtunë dhe në morg nuk është paraqitur askush nga familjarët ta marrë. Valdiram prej kohësh po jetonte në rrugët e Rio de Zhaneiros dhe është parë të kërkojë ndihmë nga ish- shokët e tij të skuadrës, publikisht.
Gjatë karrierës së tij ai ka luajtur vetëm me klube braziliane si Vasco De Gama, Belenes etj.
DENONCO