Dita e sotme dhe dita e nesërme pritet të shoqërohen me përkeqësim të ndjeshëm të motit. Drejtoria e Përgjithshme Detare ka bërë apel për portet të marrin të gjitha masat e për të qenë në gatishmëri.
“Në datën 22-23 Prill moti do të përkeqësohet. Bregdeti ynë do të përfshihet nga era me drejtim jug-lindje dhe forca e detit do të jetë 7 shkalla Boufort. Me qëllim parandalimin e çdo situate të papritur për shkak të kushteve atmosferike kërkojmë bashkëpunimin e të gjithë subjekteve që ushtrojnë veprimtari në fushën e detarisë, për të marrë të gjitha masat e nevojshme për sigurimin e mjeteve në port dhe rritje e gatishmërisë së ekuipazhit në mjetet lundruese”, shkruhet në njoftimin e Drejtorisë.
