Një aksident ka ndodhur në rrugën Fushë Krujë-Milot. Makina tip Benz ka dalë nga rruga, ka bërë disa rrotullime duke përfunduar përmbys.
Makina ka goditur një shtyllë elektrike 6000 volt duke e këputur në disa pjesë. Shtylla e goditur ka këputur dhe një shtyllë tjetër gjatë rënies e për pasojë një pjesë e zonës ka mbetur pa energji elektrike.
Për fat të mirë nuk ka pasur persona të lënduar, sipas policisë. Aksidenti ka ndodhur pak pas mesnate. Policia po heton për zbardhjen e shkaqeve të aksidentit.
