Kreu i Partisë Konservatore, Kujtim Gjuzi, po pret radhën e tij për të marrë mandatin si deputet i Kuvendit.
Por mesa duket jeta e tij sentimentale, nuk është njësoj “e mbarë” si karriera e tij politike. Bashkëshortja e tij ka kërkuar prishjen e martesën me deputetin e ardhshëm.
Kërkesa për divorc është bërë nga bashkëshortja e tij, ndërsa gjyqtarja e çështjes është Majlinda Doga.
Ditën e sotme u zhvillua seanca e pajtimit mes palëve, ndërsa takimi tjetër në Gjykatën e Tiranës do të bëhet në 9 maj.
Kandidati për deputet nga listat e PD-së që ende po pret të marrë mandatin, është përfolur shpesh në mediat për shkak të deklaratave të tij se do të ishte kryetari i “opozitës së re” dhe se në misionin e tij politik mbështetej nga ndërkombëtarët.
Por mesa duket pas divrocit, për Gjuzin ka edhe një tjetër lajm të keq… Kryetarja e grupit parlamentar të demokratëve që nga dje është vendosur Rudina Hajdari.
