Tensione te protesta e Bregut të Lumit në kreqytet. Policia është përplasur me banorët pasi ajo nuk lejon banorët të futen në banesat e tyre. Një banor është shprehur se do hynte në banesën e tij vetëm për të marrë rrobat pasi ishte i shoqëruar në komisariat por nuk është lejuar.
”Do të nxjerr rrobat e shtëpisë. Ore jeni në terezi ju ore? Me lini të shpëtoj rrobat ore? Pse nuk na leni mor burrë? Na i sillni Erionin e Griseldës këtu. Ose isha i shoqëruar, isha në Komisariat”, shprehet një banor.
Apel për ta lejuar të shkonte në banesë bënë edhe ish-deputetët e PD e LSI, Klevis Balliu dhe Endrit Braimllari. “Për të gjitha këto që po bëni do mbani përgjegjësi. Do mbahet përgjegjësi për akte dhunë, duhet t’ju vijë turp”, iu drejtua Klevis Balliu-efektivëve.
Por, qytetari nuk u lejua nga policia. Këtu nis edhe përplasja mes policisë dhe banorëve por policët të shumtë në numër krijuan një gardh të cilin banorët nuk e çanë dot. Efektivë të policisë shtynë edhe ish-deputetët.
Banorët protestojnë pasi kundërshtoje shembjen e banesave të tyre, që i prek ndërtimi i projektit të Bulevardit të ri të Tiranës. Pak ditë më parë, u shënua sërish përplasje me efektivëve të policisë dhe banorëve. Madje, në një akt të paprecedentë, policia përdori edhe gaz lotsjellës për ti nxjerrë ata nga shtëpia, duke mos kursyer fëmijët dhe gratë. /bn/
https://streamable.com/nlkfk
