Situata në zonën e Bregut të Lumit vazhdon të jetë e tensionuar ndërkohë që shumë prej banorëve që po dëbohen me dhunë nga shtëpitë e tyre, nuk janë lejuar të marrin as rrobat e trupit.
Policia dhe forcat Shqiponja kanë rrethuar gjithë zonën ndërkohë që askush nuk lejohet të kalojë. Nga ana tjetër as media nuk është lejuar të raportojë duke u detyruar të ruajë një distancë prej 100 metrash larg nga vendi i ngjarjes.
‘’Më lini që të marr rrobat, se kam qenë gjithë mëngjesin në komisariat, më lini që të marr rrobat”, është thirrja e Peposhit. Në zonë kanë mbërritur dhe ish-deputetë të opozitës, të cilët po ashtu janë shtyrë me forcë nga ana e punonjësve të Policisë. Ish-deputeti demokrat Klevis Balliu u shpreh se Erion Veliaj që inskenonte skandalin Griselda, tashmë ushtron dhunë të pajustifikuar në drejtim të qytetarëve.
