Mot i vranët dhe me reshje shiu të herëpashershme. Ky është parashikimi nga Shërbimi Meteorologjik Ushtarak, sipas të cilit reshjet do të jenë lokalisht të vazhdueshme me intensitet të ulët dhe mesatar.
Prej orëve të mesditës, reshjet do të marrin karakter shtrëngatash dhe rrebeshe me shkarkesa elektrike.
Për shkak të reshjeve do të ketë mjegull e mjegullinë lokale. Era do të fryjë me drejtim Juglindje-Jugperëndim 1-10 m/sek.
Valëzimi në detet Adriatik e Jon i forcës 2-3.
Temperaturat minimale dhe maksimale do të variojnë:
Zonat malore 5/15°C
Zonat e ulëta 8/19°C
Zonat bregdetare 10/19°C
