Ambasadori i Bashkimit Evropian, Luigi Soreca, ishte i pranishëm ditën e sotme në takimin e zhvilluar nga kryeparlamentari Gramoz Ruçi.
Soreca në fjalën e mbajtur, i drejtoi një apel të fortë politikës, ndërsa për institucionet e pavarura e konsideron urgjente që të arrijnë një rezultat konkret tashmë.
“Është urgjente që të arrijmë rezultate të prekshme. Kërkohet një angazhim i fortë. Për BE-në roli në ruajtjen e balancave dhe administrata publike janë shumë të rëndësishme. Ka progres, por ka ende shumë sfida.
Shqipëria duhet të furnizojë kapacitetin e institucioneve të pavarura. Parlamenti dhe qeveria të sigurojnë dhe të marrin masat për punën e rekomandimeve nga institucionet e pavarura. Presim rezultate dhe të ruani këtë qasje, të siguroni monitorimin transparent dhe të jeni më ambicioz” tha Soreca.
