Një familje në fshatin Spik të Finiqit ka denoncuar në Polici vjedhjen e 2 milionë lekëve të vjetra në banesën e tyre mbrëmjen e kaluar.
Vjedhja ka ndodhur gjatë kohës kur në shtëpi nuk ka pasur asnjë njeri, dhe kur njerëzit janë kthyer në banesë kanë gjetur orenditë në dysheme.
2 milionë e 60 mijë lekë të vjetra raportohet të jetë shuma që është vjedhur.
Policia ka vijuar menjëherë me hetimet dhe me punën për kapjen e autorit, ndërsa familjarët dyshojnë se vjedhja është kryer nga ndonjë banor i fshtatit, i cili ka qenë në dijeni për shumën e parave në shtëpi dhe për largimin e familjarëve në atë kohë nga shtëpia. Kështu sipas kryefamiljarit, i gjithë fshati është i dyshuar për këtë vjedhje.
