Nje person u arrestua nga policia dhe nje tjeter u shpall ne kerkim pasi akuzohen se kane mbajtur nje te trete per kater dite peng. Ai është Behar Zemzadja nga Divjaka, ndërsa u mor peng nga dy të rinj, Edison Mjekra dhe shoku i tij. Mesohet se Behar Zemzadja i cili u rrëmbye dhe u mbajt për katër ditë peng në Fushë-Krujë është nga Lushnja.
Pas denoncimit për zhdukjen e lushnjarit, policia ra në gjurmët e autorëve duke arritur që të arrestojë njërin prej tyre, ndërsa liroi pengun. Ndërkohë, që Edison Mjekra 24 vjeç banues në Nikel u arrestua, shoku i tij me inicialet B. XH. u shpall në kërkim.
Dyshohet janë se pengmarrja u krye për një borxh 4 mijë euro që u kishte autorëve.
Aksioni
Policia njoftoi se: nga Njësia për Hetimin e Krimeve ndaj Personit dhe Pasurisë në Drejtorinë Qendrore në Departamentin e Policisë Kriminale, në bashkëpunim me Drejtorinë e Forcës së Posaçme Operacionale, pas perdorimit të metodave speciale te hetimit, u finalizua operacioni policor “Plugu”.
Si rezultat u bë i mundur arrestimi i shtetasit E. M. (Edison Mjekra) 24 vjeç, banues në Nikel, Fushë Krujë, si dhe u shpall në kërkim bashkëpunëtori i tij, B. XH.
Të dy këta shtetas prej 4 ditësh kanë mbajtur peng në zonën e Fushë Krujës për motive përfitimi material, shtetasin B. Z. (Behar Zemzadja), i cili u lirua pa pasoja gjatë operacionit policor.
Materialet në ngarkim të autorëve, i kaluan Prokurorisë pranë Gjykatës së Shkallës së Parë Për Krime të Rënda Tiranë, për veprën penale të “Rrëmbimi ose mbajtja peng e personit”.
/BN/
