Duket se festa për rikthimin në vendin e parë të ekipit Bayern Mynchen pas fitores 5-0 përballë Dortmundit ka zgjatur vetëm për pak ditë.
Momenti i mirë dhe qetsia në kampin bavarez është prishur gjatë stërvitjes së paradites, që u krye me dyer të mbyllura. Protagonistët negativë kanë qenë Robert Levandovski dhe Kingsli Koman.
Siç raporton gjermania “Bild”, të dy lojtarët janë bërë pjesë e një sherri të dhunshëm. 30-vjeçari polak ka kritikuar francezin dhe fjalët kanë vërshuar shumë lumë kundrejt njëri-tjetrit.Dy futbollistët nuk kanë kursyer edhe grushtet mes tyre. Mbrojtësit Shyle dhe Boateng kanë nxituar për të ndarë dyshen e “egërsuar”. Sherri ka marrë fund vetëm me ndërhyrjen e gjithë ekipit. Diçka e tillë është e pazakontë për një klub si Bajerni dhe dyshja vështirë që t’i shpëtojë inatit të drejtuesve bavarezë.
