Vjen “kurbani” ie parë i grabitjes spektakolare në Rinas, ndodhur ditën e djeshme. “Syri.net“, duke cituar “burime”, raporton se ministrja e Infrastrukturës Belinda Balluku ka shkarkuar nga detyra drejtorin e Aviacionit Civil, Krislen Keri.
Një sasi e konsiderueshme parash, që u përkisnin disa bankave të nivelit të dytë, u grabit një ditë më parë në avionin e linjës Tiranë-Vjenë, pasi u transportua aty nga makina blinda të kompanive të sigurisë.
Pas grabitjes, autorët u larguan. Policia njoftoi se gjatë ndjekjes së autorëve, pati shkëmbim zjarri dhe mbeti i vdekur një nga grabitësit. Këtë të martë, u bë e ditur se grabitësi i vrarë është Admir Murataj. /BN/
