Xhafer Sahitaj, 39 vjeç, është shqiptari i cili humbi jetën në aksidentin e ndodhur një ditë më parë në Itali. Identiteti i viktimës bëhet me dije këtë të martë nga mediat italiane.
Sipas të njëjtave burime, ngjarja ndodhi pak pas orës 14 në guroret e Monte Gazzo, në Sestri Ponente, ku shqiptari ndërroi jetë pasi u rrëzua nga një lartësi prej rreth 20 metra.
Sipas një rindërtimi paraprak të ngjarjes, raporton “Il Secolo XIX”, shkëmbi ku shqiptari kishte lidhur litarin mbajtës u shemb dhe Sahitaj u rrëzua nga lartësia duke humbur jetën./Boldnew.al/
