Mbrëmjen e së shtunës, Getoar Selimi, I ftuar në emisionin “Xing me Ermalin”, ka folur dhe ka shuar të gjitha kuriozitetet, që mundë të kemi pasur, përgjatë kohës që ai ka qëndruar larg intervistave dhe emisioneve.
Getoar Selimi, foli për përçarjen e “Babastarsave”, sherret që ka pasur me grupet e tjera dhe sigurisht nuk mund të linte jashtë vëmendjes dhe jetën e tij private. Si po shkojnë me Marinënn etj.
Gjatë intervistës Geti ka dhënë lajmin e bukur se ai dhe Marina kanë menduar të bëhen me fëmijë.
I pyetur nëse kanë menduar të bëjnë një trashëgimtar, Geti u përgjigj: “E kemi menduar, derisa të vijë”.
Kjo është hera e parë që Geti flet për këtë pjesë pasi si gjithmonë ai është treguar shumë diskret për jetën private.
Pas përfundimit të “C’est la vie”, moderatorja shumë e dashur për publikun, Marina Vjollca i ka munguar ekranit prej më shumë se një viti. Gjatë kësaj kohe është përfolur shpesh se Marina do rikthehej me emision të ri, po kjo nuk ndodhi dhe shkak u tha se ishte bërë Getoari.
Në “Xing me Ermalin”, Geti u shpreh se arsyeja pse Marina nuk po rikthehet është fakti se ajo është shumë selektive.
“Na ka dalë nami kot por nuk është ashtu. Unë me Marinën jemi tipa njësoj në këtë pikë prandaj e kemi gjetur njëri-tjetrin. Ajo është tip që zgjedh, e ka të vështirë të vendosë, ka atë kokën e vetë”, u shpreh Geti.
