Kreu demokrat Lulzim Basha, nga Rrogozhina, premtoi mbështetje maksimale për fermerët shqiptarë, ndërsa shtoi se me 100 milionë euro në vita ta do të jenë fermerët më të mbështetur në të gjithë Ballkanin.
Basha premtoi rrëzimin e vendimit të qeverisë Rama, që ul vlerën e rimbursimit të TVSH-së për fermerët nga 20 në 6%.
Sipas kreut demokrat, do ti jepet fund hilesë së qeverisë me ndryshimin e TVSH-së për prodhimet bujqësore.
“Do t’i japim fund hiles së madhe të ndryshimit të TVSh-së për prodhimet bujqësore.
Duke hequr rimbursimin e TVSh-së, Edi Rama ka goditur drejtpërdrejt fermerët shqiptarë, sepse u ka lënë vetëm tre rrugë, ose të shitet në treg me çmim 14% më të rritur, ose ta shesë me 14% më pak, ose ta sheshe me 14% më pak tek prodhuesi.
Ju ka ulur 14% fitimin për çdo kg fasule, qumësht, ose mish. Kur pa protestën e blegtorëve ka shpallur se gjoja do të subvensionojë me 10 lekë qumështin. Si çdo premtim tjetër, edhe këtë premtim ka një gënjeshtër.
Askush nuk e beson bandën e tij hajdutëve. Jo vetëm do ta anulojmë këtë VKM korruptive por të rimbursojmë produktet tuaja. Subvencionim 100 mln euro në vit, do të bëjë të mundur që djersa e fermerit të vlerësohet.
Me 100 mln euro në vit, fermerët shqiptarë do të jenë më të mbështetur se fermerët në vendet e tjera të Ballkanit”, tha Basha.
