Shtetet e Bashkuara të Amerikës i kanë ndaluar hyrjen në territorin e saj një prokurori shumë të rëndësishëm.
Mbrëmjen e së premtes, Departamenti i Shtetit njoftoi se i ka revokuar vizën e hyrjes në SHBA Prokurorit të Përgjithshëm të Gjykatës Ndërkombëtare Penale, Fatou Bensouda.
Gjigandi mediatik CNN citon një deklaratë të Zyrës së Prokurorit të Përgjithshëm, në të cilën thuhet se: “E kemi të qartë që kjo masë nuk do të ndikojë në udhëtimin e Prokurorit të Përgjithshëm në SHBA, në përmbushje të detyrimeve të tij ndaj OKB-së, duke përfshirë raportime periodike përpara Këshillit të Sigurimit”.
Në të njëjtën deklaratë thuhet se: “Zyra e Prokurorit ka një mandat të pavarur dhe të paanshëm sipas Statutit të Romës për Gjykatën Penale Ndërkombëtare. Prokurori dhe zyra e saj do të vazhdojnë të kryejnë këtë detyrë statutore me angazhim dhe profesionalizëm maksimal, pa frikë apo favore”.
Një zëdhënës i Departamentit të Shtetit përsëriti se SHBA do të “ndërmarrin hapat e nevojshëm për të mbrojtur sovranitetin e saj dhe për të mbrojtur popullin tonë nga hetimet dhe ndjekjet e padrejta nga Gjykata Ndërkombëtare Penale (ICC)”.
Zëdhënësi i OKB-së, Stéphane Dujarriç, tha të premten se ata “presin që Shtetet e Bashkuara të veprojnë sipas marrëveshjes, për të lejuar udhëtimin e anëtarëve të stafit të ICC-së për të bërë punën e tyre në Kombet e Bashkuara”.
Zëdhënësi i Departamentit të Shtetit tha se SHBA do të zbatojë kufizimet e vizave “në përputhje me ligjin në fuqi, duke përfshirë Marrëveshjen e Shtabit të OKB-së”. “Nën këto masa, ne nuk do të ndërhyjmë me udhëtimin në OKB për qëllime zyrtare të OKB,” thanë ata.
Sekretari i Shtetit Mike Pompeo njoftoi në mes të marsit, se SHBA do të revokojnë ose refuzojnë vizat për personelin e ICC-së një masë që synon të pengojë një hetim të mundshëm nga organi gjyqësor i bazuar në Hagë në krimet e dyshuara të luftës dhe krimet kundër njerëzimit të kryera nga trupat amerikane në Afganistan. /Boldnews.al/
