Liverpool ka arritur fitore drithëruese në transfertë ndaj Sauthamptonit.
Skuadra e drejtuar nga Jurgen Klopp ka marrë 3 pikë të arta pasi fitoi me përmbysje 3-1 në ndeshjen e vlefshme për javën e 33 në Premier League.
Southampton ushtroi një presion të madh, dhe u deshën vetëm 9 minuta lojë që Liverpool ta gjente vetën në disavantazh.
Ishte qendër sulmuesi Shane Long i cili shfrytëzoi për mrekulli një situatë në zonën e Liverpool, për të shkundur rrjetën e Alisson.
‘The Reds’ arritën që të barazojnë rezultatin 1-1, me anë të Naby Keita, në minutën e 36’.
Liverpool vuajti shumë për të gjetur golin e avantazhit. Ishte një kundërsulm i rrjedhshëm i minutës së 80’ të cilin për mrekulli e finalizoi Mohamed Salah.
Egjiptiani bëri nj sprint të pabesueshëm duke marrë topin nga mesi i fushës dhe më pas nuk e kishte të vështirë për të dërguar topin drejt rrjetës.
Vulën për fitoren e skuadrës së Jurgen Klopp e dha kapiteni Jordan Henderson, i cili realizoi në minutën e 86’.
Me këtë fitore, Liverpool kthehet përkohësisht në vendin e parë në Premier League me 82 pikë të grumbulluara, dy më shumë se Manchester City.