Ashtu siç ishte parashikuar Marseja do të vishet sot kuq e zi. Qyteti i tërë është zgjuar nën ngjyrat kuqezi dhe këngët e tifozëve shqiptarë.
Këta të fundit kanë filluar të mbushin rrugët dhe sheshet e qytetit, të përshëndetur nga vendasit, të cilët deri tani kanë dhënë përshtypjet më të mira për ta në mediat franceze.
Gazetari i “L’Equipe” që raporton direkt për këtë gazetë nga sheshi kryesor i qytetit, nuk ka ngurruar t’i cilësojë ata si “tifozët e vërtetë”.
