Kombëtarja e Francës përballet sonte me Shqipërinë (ora 21:00), në Marsejë, në ndeshjen e dytë në Grupin A të “Euro 2016” për të dyja skuadrat. Një fitore do të hapë dyert e raundit vijues të këtij turneu për transalpinët.
Por, për ta arritur këtë, paralajmëron prestigjiozja franceze, “L’Equipe”, blutë duhet të jenë vigjilentë dhe realistë:
“Në kushte që mos bëhet gjithçka e vështirë, veçanërisht për shkak të erës së ftohtë e të fortë të veriut, Franca do të tentojë të shënojë sa më shpejt, për të shmangur çdo dyshim gjatë lojës.Kundër Rumanisë (2-1) u deshën më shumë se një gjysmë ore për të bërë sulmin e parë dhe pothuajse një orë për të hapur rezultatin.
Dy golat e pësuar kohët e fundit nga shqiptarët kanë ardhur së këndejmi, pas një këndoreje dhe goditje dënimi.
Të privuar nga kapiteni i tyre, Lorik Cana, i pezulluar, lojtarët e Gianni De Biasi janë të detyruar të fitojnë, për t’i mbajtur gjallë shpresat për kualifikim. Prandaj, ata do të luajnë gjithçka për gjithçka.
Në rast të fitores, blutë kualifikohen për fazën e eliminimit direkt, madje edhe para se të luajnë ndeshjen e tyre të fundit të grupit kundër Zvicrës.
Në varësi të rezultatit të kombëtares helvetike, këtë të mërkurë (ora 18:00), kundër Rumanisë, blutë duhet të luajnë një “finale” për vendin e parë në Grupin A.”
