Vetëm pask ditë pas vizitës së tij në vendin tonë, Ministri i Drejtësisë holandez, Ferdinand Grapperhaus, ka bërë deklaratën e fortë për Shqipërinë.
Grapperhaus është shprehur se bandat shqiptare janë kthyer në një rrezik mjaft të madh për Holandën, dhe janë ndër furnizueset kryesore të kokainës.
“Bandat shqiptare po fitojnë gjithnjë e më shumë pushtet. Kriminelët shqiptarë punojnë në mënyrë të organizuar, janë kthyer në partner të besueshëm dhe për kriminelë të vendeve të tjera. Bandat shqiptare të kokainës aktive nga Amerika e Jugut deri në Limburg. Kokaina hyn nga shqiptarët përmes portit të Roteradmit. Shqipëria duhet të mendojë seriozisht për zgjidhjen e problemit”, është shprehur Grapperhaus.
Ndërkohë, mediat në Holandë raportojnë se shqiptarët janë të vështirë që të identifikohen, pasi ata nuk lëvizin me makina të shtrenjta dhe nuk e reklamojnë jetën e luksit.
