Panik në kryeqytetin italian këtë pasdite. Siç raportojnë mediat lokale, në Romë, ku jetojnë edhe shumë shqiptare, janë shënuar të shtëna me armë zjarri.
Ora shënonte rreth 16:00, kur, përpara barit “Petit” në rrugën “Flavio Stilcone”, në Cinecittà, një skuter u afrua ne dy persona në bord. U ndalën një çast, nxorën pistoletat dhe hapën zjarr në drejtim të dy burrave të tjerë, që ndodheshin para lokalit.
Të dy u plagosën në këmbë dhe menjëherë u dërguan në spital. Ndërsa atentatorët u larguan pas të shtënave.
Një hetim ka nisur për zbardhjen e ngjarjes. /BN/
