Në pyjet e Zereqanit në Bulqizë, që prej pasdites së djeshme vijon zjarri masiv.
Zjarri ka nisur që prej orës 16:00 dhe vazhdon akoma. Zjarrfikëset po punojnë për të shuar zjarrin, por terreni i vështirë e ndihmuar edhe nga era e fortë, kanë bërë që flakët të përhapen me shpejtësi.
Po ashtu në territorin e Bashkisë Bulqizë ka pasur edhe një rast tjetër zjarri në ekonominë pyjore Ramnagore në zonën e Gollobordës, ku janë përshkuar rreth 31 ha dushqe. Përgjegjësi i Inspektoratit të Pyjeve Shaqir Izvira shprehet se zjarri në Gollobordë është izoluar që dje.
