Detaje të reja janë zbardhur nga vrasja e dy vëllezërve Bilali, ditën e djeshme në vendin e quajtur “Zooteknika”në lagjen “Guerrile” në Shkodër.
Burime bëjnë me dije se një nga viktimat ka qenë i armatosur në momentin e atentatit dhe arma është gjetur nga policia gjatë kqyrjes së zonës së krimit.
Vëllezërit Brahim Bilali dhe Astrit Bilali kanë qenë duke rregulluar një portë të re hyrëse në oborrin e shtëpisë kur është afruar ekzekutori (ët) dhe i ka qëlluar.
Gjithashtu bëhet e ditur se në makinën e djegur pjesërisht, që është gjetur vetëm pak kilometra larg vendit të ngjarjes është gjetur arma me të cilën autori (ët) ka ekzekutuar dy vëllezërit.
Policia e Shkodrës njofton se ka shoqëruar mbi 20 persona.
