Policia Bashkiake e Lali Erit është filmuar në një super-operacion, ndërsa ka kapur një person mjaft të rrezikshëm për Tiranën.
Kamera e Boldneës ka fiksuar momentin kur një grup policësh bashkiakë kanë kapur një person që po merrte një raft metalik, të lënë jashtë kazanëve të plehrave.
Por policët vigjilentë të Lali Erit kanë kapur në kushtet e flagrancës personin e rrezikshëm, të cilit i kanë sekuestruar edhe biçikletën, që kishte me vete.
Madje, për këtë policët nuk kanë përtuar të mbushin edhe një proçesverbal.
E gjitha kjo skenë, që mund ta shihni në videon e mëposhtme, ka ndodhur në të njëjtën kohë kur Lali Eri shfaqej në një studio televizive dhe shpaloste projektet e tij për betonizimin e Tiranës përmes kullave shumë-katëshe që pritet të ngrihen rreth e rrotull qendrës.
