Sulmuesi i Fiorentinës, Federiko Kieza, u përfshi pasditen e sotme, në një aksident automobilistik në qytetin e Firences.
Teksa lojtari vjollcë po ngiste një “Mini Cooper”, ai goditi një motoçikletë, ndërkohë që policia shkoi menjëherë në vendin e ngjarjes. Kieza shpëtoi pa dëmtime nga ky aksident, ndërkohë që drejtuesi i motoçikletës, pati disa dëmtime, dhe u transportua menjëherë në spitalin “Karexhi” për të marrë ndihmën e parë.
