Në Rusi sot është arrestuar ish-ministri për Zhvillimin e Lindjes së Largët, Viktor Ishaev i akuzuar për mashtrim të gjigantit të naftës “Rosnjeft”, kumtoi zëdhënësja e komisionit hetues rus Svetlana Petrenko.
Ai akuzohet për vepër penale të cilën e ka kryer në periudhën nga viti 2014 deri në vitin 2017, kur ka qenë zëvendëskryetar i “Rosnjeft”.
Komisioni hetues sot kumtoi se Viktor Ishaev dhe disa persona të tjerë anonim akuzohen për përvetësim të parave përmes aktiviteteve mashtruese nga kompania shtetërore e naftës Rosnjeft.
Ishaev ende zyrtarisht nuk është i akuzuar,, ndërsa kontrolle janë kryer në lokacione anonime, kumtoi Komisioni.
Ai është ministri i dytë i qeverisë të ish kryeministrit Dimitri Medvedev i cili është arrestuar këtë javë. Mihail Abizov është arrestuar nën dyshimin se ka kryer mashtrim dhe ka organizuar grup kriminel, që ai e përgënjeshtron.
