Ish-kryeprokurori, Theodhori Sollaku, sot avokati mbrojtës i një sërë personazhesh publike përfshirë edhe kryebashkiakun e shumëpërfolur të Kavajës, Elvis Rroshi, ka deklaruar se prokuroria nuk është bazuar në asnjë provë në arrestimin e klientit të tij.
Sipas Theodhori Sollakut, dosja e prokurorisë që ka sjellë arrestimin e Elvis Rroshit nuk përmban asnjë provë dhe është tërësisht e bazuar në informacione të policisë.
“Dosja ndaj Elvis Rroshit nuk përmban asnjë provë, ajo është e bazuar në informacione të policisë. Nuk duhej të kalohej në masë ekstreme.”, ka deklaruar avokati Theodhori Sollaku.
