Rafael Henzel, 45 vjeç, ishte një gazetar sportiv që njihej vetëm në Brazil ku edhe aty nuk kishte ndonjë famë të madhe. Por, në vitin 2016 ishte në bordin e avionit që çoi në tragjedi skuadrën e Chapecoenses, ku humbën jetën 71 persona, me përjashtim të gjashtë të mbijetuarve duke përfshirë edhe Rafaelin.
Mes të vdekurve, lojtarë, staf dhe përfaqësues të medieve e ekuipazhit. Henzel i shpëtoi atij tmerri dhe pa “ferrin” me sy. U mundua të rikrijonte një jetë, por ishte e shkruar diku që edhe ai të bashkohej së shpejti me ata që “fluturuan në parajsë”. Zemra e gazetarit u ndal teksa po luante futboll me disa miq.
Pikërisht duke rendur një top, mbi të cilin kishte ndërtuar karrierën radiofonike. Fati është shpesh i verbër, por tersi sheh shumë mirë dhe shpesh merr shënjestër…
Ndoshta, Chapechoenses i duhej një gazetar dhe komentator, në ndeshjet që po luan diku “aty lart”…
