Ministri në detyrë i Punëve të Jahstme dhe Europës, Gent Cakaj, ka premtur një thellim të reformës në dikasterin që drejton.
I pranishëm në mbledhjen e Komisionit për Integrimin, pa praninë e opozitës që ka dorëzuar mandatet, Cakaj tha se reforma në rradhët e diplomatëve do të vazhdojë, ndërsa ata që nuk përmbushin kriteret do të largohen.
Një ditë më parë Cakaj paralajmëroi nisjen e reformës, duke theksuar se mbi 20 diplomatë do të largohen ose zhvendosen në pozicione të tjera.
Pavarësisht se vlerësoi administratën e lënë nga paraardhësi i tij, Ditmir Bushati, të cilën e cilësoi si ambicioze, , Cakaj tha se ka një mospërputhje me pozicioneve që mbahen dhe performancës.
Në këtë kuadër, Cakaj tha se do të thellonte me guxim reformat, ndërsa shtoi se shkarkimet nuk cënojnë veprimtarinë, por vendosin rregulla të qarta.
Lidhur me paraardhësin e tij, Cakaj u shpreh se Bushati ka qenë ministry më jetëgjatë në krye të diplomacisë shqiptare.
“Të tjera shkarkime nëse performanca nuk do të jetë në nivelin e duhur. Jam i gatshëm të thelloj reformat e të marr veprime të guximshme që të rinj e të reja me rezultat e të shkëlqyera të bëhen pjesë e trupit diplomatik. Një pjesë e tyre nuk mund të qëndrojnë në misione diplomatike për shtatë vite pa asnjë transferim.
Kjo nuk do të thotë që çdo gjë do të fillojë nga hiçi në Ministri, por për të bërë përmirësime. Me një pjesë prej tyre ka një problem të theksuar me sjelljen e tyre dhe një pjesë e tyre kanë qëndruar në sistem tepër gjatë dhe kanë dhënë kontribut tepër pak.
Po tentoj të vendos gjërat në rregullin e duhur. Çdo emër që do të shkëputet nga puna apo do të transferohet do të bëhet publik, së bashku me arsyen”, tha ai.
