Avokado është një nga frutat më të shijshme dhe përdoret gjerësisht në kuzhinë, por ekspertët paralajmërojnë se mund të krijojë probleme shëndetësore.
Shkencëtarët thanë për AFP-në se në Michoacan, Meksikë, njerëzit po sëmuren nga përdorimi i madh i kimikateve, ndërsa i gjithë vendi po vuan nga shpyllëzimi për t’i hapur vend kultivimit të avokados.
Meksika prodhon rreth 40% të të gjithë avokados në botë. Plot 137,000 hektarë tokë e mbjellë me avokado ndodhet vetëm në Michoacan, aty ku shpyllëzimi po rritet me 2.5 për qind çdo vit. Ndërkohë po ngrihet alarmi se sasia e madhe e kimikateve të përdorura në plantacione mund të infektojë tokën, ujin dhe të përhapë shqetësime serioze te miliona banorë.
Pavarësisht kësaj, qeveria e Meksikës dhe ajo në Japoni, ku prodhohen sasi të mëdha, nuk është i shqetësuar pasi fitimet nga eksporti i avokados kanë arritur shifra marramendëse.
