Të gjitha hetimet e deritanishme flasin për një vrarës profesionit, ai që ekzekutoi avokatin 50-vjeça. Klodiana Lala nga emisioni Opinion ka treguar se fillimisht autori e ka përshëndetur avokatin dhe më pas e ka qëlluar. Gazetarja ka treguar gjithë kronologjinë si dhe çfarë kanë kapur kamerat e sigurisë.
Klodiana Lala: Lokali ku kishte ndodhur krimi ishte hapur që në orët e para të mëngjesit, minimalisht një skenë krimi duhet të qëndrojë 24 orë e rrethuar. Unë e kam pirë kafen në atë lokal, ku ndodhi krimi. Avokati ka vajtur në lokal në orën 18: 30 minuta, ka parkuar makinën e tij. Këto janë dëshmi nga pronari i lokalit. Është ulur në një pozicion me pjesë ballore nga ana e qytetit dhe ka pas shpinën në drejtim të lokalit. Janë ulur dhe dy miqtë e tij. Po diskutonin momentet e fundit se ku do shkonin të shikonin ndeshjen. Nga pjesa e një rrugice është afruar një person, i cili sipas dëshmitarëve nuk është më shumë se 35 vjeç, rreth 1.8 metra. Në pamje të parë, sipas dëshmitarëve ka tentuar ta përshëndesë. Nëse ka patur njohje mes tyre a jo… E ka qëlluar dy herë në kokë, ka kaluar përpara dy lokaleve dhe tek rruga kryesore e ka pritur automjeti. Në lokal kanë menduar se avokati ka qenë në gjendje të fikti. Kamerat kanë kapur vetëm momentin kur bie.
