Pakënaqësia e qytetarëve ndaj kryeministrit Edi Rama sa vjen e rritet dhe ‘barometri’ që e tregon janë dhe rrjetet sociale. Kreu i qeverisë ka publikuar disa fotografi në Facebook, përmes së cilave synon të tregojë ndryshimin në fasadë të Krujës, nga projekti i “Rilindjes Urbane” (që është denoncuar si një projekt që po vjedh taksat e shqiptarëve).
“S’është Lugano, po Kruja e Rilindjes Urbane dhe në fund të albumit keni një kujtesë se si e gjetëm, kur ikën ata që sot kanë marrë arratinë”, shkruan Rama në Facebook, krahas fotove të postuara.
Komentet që shprehin pakënaqësinë ndaj qeverisë dhe vetë shefit të saj kanë qenë të shumta në këtë status të Ramës.
“Jo shume bukur eshte lek publik i humbur kot nuk i nevojiten krujes keto pamje corruptive si karramele per femije…turp”, shkruan një komnetues.
“Keto jane punime sorosiste synojne shkaterrimin e trashigimise kulturore si ne Gjirokaster etj Fasade loë cost dhe mbrenda myk”, shkruan një tjetër.
“Ca Lugano thua o Lugat? Ke mbledh rreth vetes 200 Spiropalla qe te thone Skenderbe dhe 200 komentues qe dine vetem be be be”, komenton një tjetër përdorues i rrjetit social.
“Ndërro mallin se paske vizione”, është komenti tjetër.
Komentet janë edhe në mbështetje të Ramës, megjithatë sinqeriteti i tyre mbetet në pikëpyetje, duke pasur parasysh raportimet mediatike, denoncimet nga opozita dhe deklaratat e ish-zyrtarëve të qeverisë, që kanë zbuluar se “ushtrinë elektronike” të Rilindjes, të angazhuar për posaçërisht në komente pozitive ndaj postimeve që Rama bën në rrjetet sociale. /Boldnews.al/
