Në këtë fundjavë ku kampionatet janë pushim për periudhën e Kombëtareve, është luajtur edhe raundi i fundit kualifikues për Kupën e Afrikës, e cila do të luhet në verë në Egjipt.
Por, një episod interesant ndodhi në takimin që Afrika e Jugut, mundi me shifrat 1-2 Libinë në fushën neutrale të qytetit të Sfaksit në Tunizi, ndeshje e cila më shumë se për rezultatin, do mbahet mend për atë që ndodhi para fillimit të takimit.
Në momentin që po luhej himni i Afrikës së Jugut, audio u ndalua, pasi ajo në fakt po luhej nga një telefon, dhe në ato çaste një thirrje po vinte drejt numrit të këtij telefoni. Dhe, pas ndalimit të himnit, filloi edhe muzika e ziles së telefonit.
E gjithë kjo ngjarje është bërë virale në rrjetet sociale, dhe ndodhi përpara fytyrave të afrikano jugorëve, të cilit nuk dinin a të qeshnin, apo të mërziteshin për dështimin në respektimin e himnit të tyre kombëtare.
