Kombëtarja Shqiptare do të kërkojë fitoren e parë në kualifikueset për Evropianin 2020, ku në orën 20:45 do të përballet kundër Andorrës. Pas shkarkimit të Kristian Panuçit, kuqezinjtë mbrëmjen e sotme do të drejtohen nga dyshja Bulku-Mema.
Për sa i përket formacionit zyrtar, trajnerët Bulku-Mema, kanë preferuar të bëjnë disa ndryshime në krahasim me sfidën ndaj Turqisë. Ndryshe nga përballja e parë, në këtë takim do të startojnë nga minuta e parë, Aliji, Kaçe, Basha, Grezda dhe Sadiku, të cilët nuk u preferuan në formacionin titullar nga trajneri Panuçi në sfidën ndaj turqve. Ndërkohë janë ulur në stol, Veseli, Balliu, Memushaj, Balaj dhe Abrashi.
ANDORRË-SHQIPËRI ORA 20:45
FORMACIONET ZYRTARE:
Shqipëria: Berisha, Hysaj, Ismajli, Gjimshiti, Aliji, Xhaka, Kaçe, Basha, Uzuni, Grezda, Sadiku. Trajner: Ervin Bulku
Andorra: Gomes, Rubio, Lovera, Lima, San Nikolas, Rodrigez, Rebes, Vales, Klemente, Martinez, Vieira. Trajner: Koldo Alvarez.
