Një i ri është gjetur i vdekur në banesën e tij mëngjesin e sotëm në qytetin e Sarandës. Sipas policisë, ngjarja ka ndodhur në lagjen numër 1 të qytetit ku fillimisht ka qenë vëllai i viktimës që e ka konstatuar 30-vjecarin E.D. pa shenja jete dhe më pas ka njoftuar blutë.
Grupi hetimor ka shkuar menjëherë në vendin e ngjarjes dhe ka nisur hetimet. Sipas raportit paraprak, në trupin e viktimës nuk ka shenja dhune. Po punohet për sqarimin e shkaqeve të vdekjes.
