Ish-Ministri i Drejtësisë Ylli Manjani ka reaguar me anë të një statusi në ‘facebook’ në lidhje me përgjime e publikuara nga ish deputeti i Partisë Demokratike Ervin Salianji, ku dëgjohet Drejtori i Policisë së Fierit duke komunikuar me Fredi Alizotin.
Ai ka ngritur një sërë pikëpyetjesh në lidhje me këtë çështje, ku i kërkon Arta Markut përgjigje se përse nuk dëshmojnë politikanët që përmend aktori-pijanec, duke ju referuar Taulant Ballës.
Në videon e publikuar Drejtori i Policisë i thotë Fredit që do ti nisi një person me para.
Statusi i Manjanit:
Ndërkohë shumë interesante këto bisedat telefonike, që i ka përgjuar Prokuroria, ndërmjet Alizotit dhe Drejtorit të Policisë së Fierit.
Vijoj të pyes: si ka mundësi që këto materiale hetimore i ka në dorë një (ish) deputet?! Natyrisht ky i fundit bën mirë që i publikon, për sa kohë që akuzohet për një gjë që se ka bërë..
Prap pyes: si është e mundur që policia i vihet në shërbim një pijaneci, që ka pranuar të aktrojë dhe prokuroria nuk bën asnjë hetim?!
Po politikanët që përmend aktori-pijanec, përse nuk thirren të dëshmojnë?!
Pse duhet pritur ndërrimi i pushtetit për të bërë detyrën?!
Në lidhje me përgjimet në fjalë u ka bërë jehonë edhe Zëri i Amerikës.
