Vetëm një javë pasi Justin Carter arriti të realizonte këngën e tij të fundit, 35-vjeçari u vetëvra gabimisht me një armë zjarri gjatë realizimit të një tjetër videoklipi në apartamentin e tij.
Gjatë dy muajve të fundit, Carter kishte postuar pesë video muzikore të prodhuara në mënyrë të pavarur në kanalin e tij në YouTube.
Artisti nga Texas sapo kishte nënshkruar edhe një kontratë me Triple Threat Management dhe së shpejti do të ndërmerte edhe tour-in e tij të parë në 10 shtete.
Pas vdekjes së Carter, menaxheri dhe miku i tij Jamie Scott Ruckman publikoi në faqen personale të këngëtarit një mesazh ku falenderonte të gjithë fansat për mbështetjen e tyre.
