Kryeministri Edi Rama tha se mazhoranca është e gatshme të shkojë në zgjedhje të parakohshme, nëse opozita fiton qoftë edhe 1 bashki më shumë se socialistët në zgjedhjet e 30 qershorit.
Rama tha se mazhoranca është e gatshme të miratojë çdo masë që do të propozohet nga opozita lidhur me parandalimin e shit-blerjes së votave, ose dënimin e tyre që bëjnë një gjë të tillë.
“Deklarojnë se nuk futen në zgjedhje, po punë e madhe. E bëtë dy vite më parë, pranuam t’ju japim gjysmën e qeverisë dhe i hukmbët zgjedhjet me qeverinë tuaj.
Sot del e flet Doktoresha e Shkencave Horoskopike, Monika Kryemadhi, për blerje votash, dhe i lutet zotit për votën.
Pushteti nuk është dyqan për shoqen Mona që ulërim për trastat e rradhës.
Kjo vallja me maska me maska e Lulit duhet të mbarojë njëherë e mirë. Lulzim Basha nuk i fiton dot zgjedhjet, madje ai nuk i fiton sot as në partinë e tij.
Madje edhe sikur ne mos hyjmë në zgjedhje në 30 qershor, dhe Luli të hyjë i vetëm, sërisht nuk do të mund të fitojë, pasi njerëzit nuk e besojnë.
Tani ka ardhur koha ta mësoni njëherë e mirë, pushteti nuk është qoftë te daja, ky vend nuk është plaçkë për ju, sistemi demokratik nuk është cirk për Arushën Lul që bërtet për karamelen e radhës, as dyqan për shoqen Mona që ulërin për trastat e radhës, askush nuk futet me zor në zgjedhje, por askujt në këtë sistem nuk u ndalohet.
Vallja me maska e Lulit, të mbarojë njëherë e mirë, Lulzim Basha i ka tmerr zgjedhjet se nuk i fton zgjedhjet, as në partinë e tij mos të i vjedhë, lërë më në mexhelisn e madh të sistemit që kemi zgjedhur, unë kam dyshim po nuk e provoj sikur Luli të futet vetëm prapë nuk i fiton se njerëzit nuk e pranojë jo më ta votojnë një njeriu që e ka humbjen të shkruar në ballë, lider pa hallate që djeg mandatin e përfaqësimit të popullit për t’u fshehur pas turmës, ju ikni digjni parlamentin për mua”, ka thënë Kryeministri.
Ndërsa LSI sot nuk përfaqëson askënd, madje nuk përfaqëson as Ilir Metën. Meta duket aq i papërfaqësuar, saqë i duket sikur një juntë ushtarake do të sulmojë Presidencën. E di që më dëgjon, mos ki frikë, jemi një vend anëtar i NATO-s.
Dhe mos i ço nëpër mend ato çudirat se na hutove”, tha Rama.
