Kongresi i Partisë Socialiste ka nisur punimet në Pallatin e Kongreseve në Tiranë.
Punimet e Kongresit u çelën nga Sekretari i Përgjithshëm, Taulant Balla, ndërsa në punimet e tij, janë të ftuar të gjithë ish-kryeministrat e PS-së ndër vite.
Ajo që ra në sy ishte veshja e Kryeministrit Edi Rama, por edhe kryebashkiakut Erjon Veliaj. Të dy figurat e PS-së ishin veshur sportivë, madje me atlete.
Ministrja e Drejtësisë, Etilda Gjonaj, u ndal në fjalën e saj te reforma në drejtësi, për të cilën tha se mazhoranca dëgjoi zërin e qytetarëve për të pastruar pallatin e drejtësisë.
Gjonaj tha se në këtë mandate të dytë aleati i Rilindjes janë qytetarët, duke shtuar se vëmendja do të jetë te qytetarët.
Gjonaj tha se lufta ndaj korrupsionit është prioritet i qeverisë.
