Erion Veliaj po ushtron presion mbi nëpunësit e bashkisë Tiranë dhe institucioneve në varësi, për të marrë pjesë në aktivitetin partiak ku ai do të shpallë kandidaturën për një mandat të dytë nën logon e PS-së.
Burime thanë për “Boldnews” se, punonjësve të bashkisë dhe institucioneve në varësi u është kërkuar që të sjellin 3-5 veta në aktivitetin e nesërm të kryebashkiakut, që zhvillohet vetëm pak metra larg pallatit të kongreseve ku do të mbahet Kongresi i PS-së. Sipas të njëjtave burime, nëpunësve u është kërkuar lista paraprake e personave që do të sjellin në miting, si dhe numri i tyre i celularit. Nëse urdhri nuk zbarohet, nëpunësit janë kërcënuar se ndaj tyre do të ndërmerren penalitete.
Pra “Lali Eri”, përmes një sjellje jo morale, po përdor administratën në mënyrë që ditën e nesërme të shfaqet si kandidati me shumë mbështetje popullore, si supermeni i Rilindjes…
Presioni i Veliajt është denoncuar edhe nga opozita. Drejtori i Kabinetit të kryetarit të PD-së Lulzim Basha, Dorjan Teliti, publikoi sot një mesazhi ardhur në adresë të tij. Sipas mesazhit, punonjësve të bashkisë dhe institucioneve në varësi u është kërkuar që të kontribuonin me duartrokitej pa u kursyer, përndryshe do të pushoheshin nga puna.
Kjo nuk është hera e parë, që Erion Veliaj përdor të tilla metoda të shfrytëzimit të administratës për qëllime partiake. Nga media dhe opozita janë paraqitur raste të tilla të ndryshme.
Mesa duket, “Lali Eri”, vijon të mbështesë fuqishëm idenë makiavelistë se, ‘mjeti justifikon qëllimin’. /Boldenws.al/
