Të gjithë ne ëndërrojmë kur flemë. Po sikur të shikojmë ëndrrat tona si një udhërrëfyes për ankthet, shpresat dhe frikën tonë?
A kanë ëndrrat kuptime më të thella?
Një numër i konsiderueshëm njerëzish besojnë se përgjigja për këtë pyetje është PO. Sipas një sondazhi të kryer nga Newsweek, një numër i madh 43 % i amerikanëve besojnë se ëndrrat zbulojnë dëshira të pavetëdijshme.
Le të hedhim një vështrim më të afërt në disa nga ëndrrat më të zakonshme dhe atë që disa nga librat më të njohura të interpretimit të ëndrrave thonë për to.
Ëndrra se po ju ndjek dikush!
Ëndërrimi se po ndiqeni nga dikush apo dicka në përgjithësi nënkupton që ” ju jeni duke shmangur një çështje ose një person”. Në ëndrra të tilla, konteksti është i rëndësishëm, i cili përfshin identifikimin se kush po ju ndjek “A është një mashkull, një femër, një kafshë apo një i panjohur në errësirë?”
Kjo tregon se “Mund të shmangësh diçka të dhimbshme, të bezdisshme ose të frikshme”
Por nga ana tjetër kjo ëndërr mund të jetë një paralajmerim nga truri juaj se nuk duhet të shmangni çështjet në jetën tuaj apo persona të caktuar, por të përballeni me to.
Pra, çfarë saktësisht do të thotë ëndërrimi sikur rrëzohesh apo sikur mund të biesh nga sipërfaqe të larta?
Sipas shumë interpretimeve të njohura të ëndrrave, ëndrrat e rënies janë një shenjë se diçka në jetën tënde nuk po shkon mirë ose është duke dalë jashtë kontrollit, puna juaj, financat tuaja, maredhëniet apo martesa. Kjo mund të sugjerojë që ju duhet të rishihni një zgjedhje ose të konsideroni një drejtim të ri në disa aspekte të jetës suaj.
Sipas Dream Dictionary, ëndrrën e rrezimit apo rënies nga lartësi e shohim më shpesh se të gjitha ëndrrat që shohim gjatë gjithë jetës sonë.
“Ëndërrimi i rrëzimit është shumë i zakonshëm, është një simbol i frikës në jetën reale, ndoshta të dështimit në punë ose në jetën tuaj të dashurisë”, pohon Russell Grant, autor i Dictionary of Dream Dictionary (fjalori i endrrave).
Një tjetër kuptim “Rrezimi apo rënia nga nje siperfaqe shpesh shpreh një nevojë për të lënë veten të më të lirë dhe të gëzojmë jetën më shumë.”
Por në mënyrë të përgjithësishme këto ëndrra tregojnë ankth dhe humbje të kontrollit në jetën tuaj të përditshme.
Ëndrrat e të qënurit i zhveshur në publik
A keni parë ndonjëherë një nga ato ëndrra të çuditshme ku shfaqeni në shkollë apo në zyrë me veshjen tuaj të ditëlindjes? Mos u shqetëso. Ëndërrimi për të qenë i zhveshur nuk është aq i pazakontë.
Penny Peirce, autor i Dictionary Dream për Dummies, sugjeron që ëndrra e lakuriqësisë publike mund të tregojë se ju ndjeheni si genjeshtar apo se keni frikë nga zbulimi i të metave dhe mangësive tuaja.
Një tjetër kuptim…
Një ëndërr e të qënurit i zhveshur(veçanërisht para njerëzish) është një shenjë e pasigurisë, poshtërimit, turpit ose dobësisë. Disa psikiatër janë të mendimit se ëndrra e të qenurit vetë ne lakuriq mund të jetë një mesazh për t’u çliruar, për të marrë një shije të lirisë së vërtetë dhe për të dalë nga lidhjet që na mbajnë të lidhura me zinxhirë.
Ëndrrat për humbjen e dhëmbëve
Penny Peirce, autor i Dream Dictionary for Dummies, sugjeron që ëndërrimi për humbjen e dhëmbëve mund të ketë kuptime të shumëfishta. Kjo mund të nënkuptojë që jeni të shqetësuar për pamjen tuaj.
Mund të tregojë gjithashtu se jeni i shqetësuar për aftësinë tuaj për të komunikuar ose të shqetësuar që mund të keni thënë diçka të turpshme.
“Thelbi i vërtetë i dhëmbëve është aftësia e tyre për të kafshuar, për të prerë dhe për të grirë”, shpjegon ajo. “Nëse dhëmbët tuaj bien, ju humbni fuqinë personale dhe aftësinë tuaj për të qenë këmbëngulës, të vendosur dhe vetë-mbrojtës”.
Ëndrrat Rreth Vdekjes
Vdekja është një tjetër subjekt i përbashkët i ëndrrave dhe një që mund të jetë veçanërisht shqetësuese. Njerezit ndonjëherë ëndërrojnë për vdekjen e një të dashuri apo edhe ëndrrën e vdekjes së vetvetes. Interpretimet e njohura të ëndrrave ndonjëherë sugjerojnë që ëndrrat e tilla pasqyrojnë ankthin rreth ndryshimit ose frikën rreth të panjohurës.
“Ashtu si vdekja, ndryshimi mund të jetë i frikshëm sepse – gjithashtu si vdekja – nuk e dimë se çfarë është ‘në anën tjetër’ të ndryshimit, prandaj ndryshimi barazohet me vdekjen”, sugjeron Lauri Loewenberg në librin e saj Dream on It: Unlock Your Dreams, Change Your Life.
Loewenberg gjithashtu beson se duke ëndërruar për vdekjen e një personi të dashur mund të pasqyrojë një frikë të ngjashme të ndryshimit, veçanërisht në lidhje me fëmijët që rriten. Ndryshime të tilla, sugjeron ajo, tregojnë për rritjen e një fëmije dhe mendja e prindit fillon të pyesë se ku ka shkuar ana fëminore e fëmijës se tij. Ëndrrat e tilla të vdekjes, si pasojë, pasqyrojnë një lloj zie për kalimin e pashmangshëm të kohës.
Por nëse keni parë ëndërr një person që ka vdekur shumë kohë më parë, atëherë mund të sugjerojë që një situatë ose marrëdhënie e tanishme në jetën tuaj të përngjan me cilësinë e atij personi të vdekur.
Ëndrrat kur merrmi një provim ose për dështimin e provimeve
Sipas Craig Hamilton-Parker, autor i The Hidden Meaning of Dreams, duke marrë një provim ëndrrat tuaja mund të zbulojnë një frikë themelore të dështimit. “Provimet janë përvoja stresuese të cilat duhen për t’u përballur me të metat tuaja”, shkruan ai. “Të ëndërrosh të mos marrësh provimin, të jesh vonë për të, ose të jesh i papërgatitur tregon se ndihesh i papërgatitur për sfidat e jetës”.
Nëse jeni student atëherë padyshim që këto ëndrra janë pjesë e anktheve të lidhura me provimet. Por, nëse jeni diplomuar shumë kohë më parë dhe ende keni ëndrrën / makthin e kthimit në shkolle zakonisht, këto lloj ëndrrash lidhen me punën tuaj. Kur ishe në universitet, shkolla ishte profesioni yt kryesor, kështu që ëndrrat për dështimin e shkollës zakonisht mund të ndiqen nga frika se diçka e keqe do të ndodhë në punë.
Ëndrrat rreth fluturimit
Ëndrrat për fluturimin mund të jenë emocionuese dhe madje çliruese, por ndonjëherë mund të jenë mjaft të frikshme (sidomos për ata që kanë frikë nga lartësitë). Sipas Tony Crisp, autor i Dream Dictionary, ëndrrat për fluturim shpesh përfaqësojnë dy anë shumë të ndryshme. Nga njëra anë, ëndrrat e tilla mund të përfaqësojnë ndjenja të lirisë dhe pavarësisë. Nga ana tjetër, ata gjithashtu mund të tregojnë një dëshirë për të ikur ose për t’u arratisur nga realitetet e jetës.
Ëndrrat rreth Shtatzënisë
Përkthyesit e ëndrrave shpesh sugjerojnë se ëndrrat për shtatëzëninë përfaqësojnë gjithçka nga kreativiteti tek frika. David C. Lohff, autori i Dream Dictionary, beson se ëndrrat e shtatëzanisë ndonjëherë mund të përfaqësojnë frikën e një gruaje për të qenë një nënë e papërshtatshme. Autori Tony Crisp, në anën tjetër, sugjeron që ëndrrat e tilla tregojnë se ëndërruesi po zhvillon një fushë të mundshme ose thellon një marrëdhënie. Përkthyesi i ëndrrave Russell Grant shkruan se këto ëndrra parashikojnë kohë të vështira.
Ëndrra e një Vrasjeje
Të ëndërroni që keni kryer një vrasje zakonisht është një shprehje e subkoshiencës suaj e një agresioni ose të zemërimit me veten apo me dikë tjetër. Të ëndërroni që ju jeni dëshmitar i një vrasjeje tregon zemërim të thellë ndaj dikujt. Të ëndërroni që jeni vrarë sugjeroni se disa marrëdhënie të rëndësishme janë ndërprerë. Ju jeni duke u përpjekur të shkëpusni veten nga emocionet tuaja.
Ëndrra ku nuk mund të vraponi dot
Pa marrë parasysh se sa shumë provoni, nuk mund të vraponi! Jeta jote varet nga vrapimi, ju jeni duke ecur ngadalë ose ndiheni sikur po përpiqeni të kaloni nëpër një pengese të padukshme duke dështuar. Kjo ëndërr thuhet të ndodhë kur vuani nga vetëbesimi i ulët ose mungesa e vetëbesimit ose kur jeni duke kaluar nëpër një situatë aktuale në të cilën ndiheni të pafuqishëm!
Nëse në njëfarë mënyre mund të interpretojmë kuptimet e fshehura të ëndrrave tona atëherë kjo njohuri mund të ndryshojë jetën.
