Fidesz, partia e kryeministrit hungarez Viktor Orban, është pezulluar nga grupimi I Partia Popullore Europiane.
Vendimi është marrë sot në Samitin Politik të PPE-së që u mbajt në Bruksel, ndërsa pro tij votuan 190 anëtarë, ndërsa 3 ishin kundër.
Presidenti i PPE-së Joseph Daul, bëri të ditur vendimin që nuk lejon pjesëmarrjen e Fidesz në takimet e PPE.
Tensionet erdhën pas qëndrimit të kryeministrit hungarez lidhur me politikat e ndjekura nga BE për emigracionin, por edhe përplasjeje me manjatin George Soros. 12 anëtarë të PPE-së, kërkuan largimin e tij pas konflikteve në rritje dhe ashpërsimit të gjuhës me disa zyrtarë të lartë brenda unionit, në veçanti kundër presidentit të Komisionit Evropian Jean-Claude Juncker.
Ky i fundit në mënyrë të përsëritur është shprehur për dëbimin e Viktor Orban dhe partisë së tij nga grupi i djathtë.
