Nga Boldnews.al
Ndërsa nënkryeministri Erion Braçe drejtonte sot mbledhjen e qeverisë me vulën e Edi Ramës, fermerët e Lushnjës, ku ai është edhe deputet, dolën në një protestë masive domethënëse duke zbardhur rrugët me qumësht. Gjithçka ka ardhur si revoltë ndaj vendimit të qeverisë për skemën e TVSH-së, çka u ka sjellë prodhuesve fermërë bllokimin e grumbullimit të qumështit nga përpunuesit.
Fermerët e revoltuar akuzuan qeverinë për falimentimin e tyre. Me skemën e re, përpunuesit e qumështit dhe nënprodukteve të tij nuk ua marrin qumështin as me 25 lekë të reja kilogrami, aq sa nënkryeministri Braçe paguan për të pirë një gllënkë ujë në shishe.
“Kërkojmë uljen e TVSH për qumështin. Kemi marrë kredi, ndërsa prodhimet detyrohemi t’i hedhim në plehra”, u shprehën fermerët të revoltuar. Në vend të zgjidhjes së problemit që kanë gjithë fërmerët që mbarështojnë gjedh dhe bagëti të imëta, shteti u “kujtua” të dërgojë forcat policore për të shpërndarë fermerët nga rruga.
Një grup i vogël efektivesh të Komisariatit të Lushnjës, (ndoshta edhe ata janë nga familje fermerësh), u dërguan për të vënë qetësinë, por pa mundur të largojnë nga rruga mijëra banorë të revoltuar. Në tentativën e radhës Braçe, Rama dhe Lleshaj mund të përgatiten me arsenalin e rëndë në përdorimin e forcave speciale, e sidomos me “specialitetin” e tyre, gazin lotsjellës.
Kjo nuk është protesta e parë, pasi edhe disa ditë më parë këta fermerë dolën në rrugë dhe në shenjë proteste derdhën qumështin duke i bërë thirrje qeverisë të tërhiqet nga ky vendim.
Në një deklaratë të sajën “Albanian Food Industry” thotë se këto akte demostruese vijnë si mbështetje e prodhuesve bujqësorë, kundër uljes së kompensimit të TVSH-së për fermerin, nga 20 – 6 përqind, pasi këto ndryshime ligjore do të shkaktojnë dëmtim të prodhimit vendës, duke favorizuar importet, rritur informalitetin, si dhe cenuar sigurinë ushqimore.
Po këta fermerë a janë hiliganë nënkryeministri Braçe? Për më shumë ai është kryetar i Komisionit Parlamentar të Ekonomisë dhe çdo nismë ligjore për taksat, tatimet dhe çështjen e rimbursimit të TVSH-së kalon nga duart e tij.
Në protestë ishin rreth 3000 persona, të gjithë fërmerë, pa flamuj politik, pa “nxitje nga opozita”. Dhe Braçe e di mirë çfarë do thotë për një fermer që një litër qumësht të detyrohet ta shesë për 20-25 lekë litri, por ai hesht, posti si nënkryeministrit ia ka zënë zytë edhe Braçes që i pqelqente ta quante veten si “gardiani i zgjedhësve” të tij.
