Vendimet dhe politikat që janë marrë lidhur me arsimin e lartë në Shqipëri por jo vetëm, kanë qenë në krye të debateve dhe zhvillimeve politike në vend prej shumë kohe tashmë. Por, edhe pse pas protestës së studentëve një pjesë e mirë e Ministrisë së Arsimit, sëbashku me kreun e saj janë ndërruar tashmë, shumë gjëra duket se kanë ngelur në vend numëro.
Të shumta janë denoncimet dhe ankesat e studentëve që vazhdojnë të vuajnë të njëjtat probleme dhe kanë të njëjtat pengesa qofshin këto në infrastrukturën mësimore ashtu edhe në marrëdhënie me stafin akademik. Por, kjo gjë nuk e ka shqetësuar fare qeverinë. Përkundrazi, ministria aktuale Besa Shahini duket e qetë teksa vazhdon të firmosë tendera dhe shkresat e zyrës ndërsa ish-kreu i kësja ministrie akoma nuk ka bërë një ndjesë publike sa i përket gjithë gabimeve që janë bërë në lidhje me sistemin arsimor në vend.
Për më tepër, ish-ministrja tashmë pa funksionin ministror nuk nguron të kujtojë në çdo dalje sa shumë atemuar dhe sa shumë ka punuar ajo dhe stafi i saj pavarësisht probleme me të cilat është ndeshur. E pyetur nga gazetarja Nisida Tufa për punën e Besa Shahinit dhe reagimet ndaj saj, u shpreh se nuk e shqetësojnë sulmet që i bëhen.
“Unë në përgjigje do të sillja në refleksionin tuaj se sa shumë jam sharë unë, sa jam goditur unë dhe sa shumë gënjeshtra janë drejtuar në drejtim të personit tim. Nuk më shqetësojnë sulmet që vijnë në drejtim të pasardhëses sime. Besa duhet të vijojë me të njëjtin motivim dhe intensitet. Unë e kam njohur Besën, ia njoh dedikimin dhe përkushtimin dhe jam shpresëplotë që do të ketë dhe rezultat në punën e saj”, tha ndër të tjera Nikolla për News 24.
Kështu, përgjegjësia apo faji mbetete ende në ajër duke u pasuar sa nga njëri drejtues tek tjetri dhe bashkë me to edhe e ardhmja profesionale dhe akademike e mijëra studentëve. /Boldnews.al/
