Zbardhet dëshminë e djalit të 62-vjeçarit, Haxhi Baxhinovski, i cili u vra pak ditë më parë te Kodrat e Liqenit, teksa bënte vrap.
Ai u qëllua për vdekje me armë zjarri, ndërsa kishte dalë për vrap me djalin e tij, i cili ka dhënë edhe dëshminë në polici për ngjarjen e rëndë.
Duke folur për kete temë gazetarja Klodiana Lala tha: “Islam Myrkaj ishte afruar teksa bënin vrap. Ai ishte i shoqëruar edhe nga një person tjetër Myftar Pasha, i arrestuar për moskallëzim krimi. Djali tha se Myrkaj ka punuar më parë në biznes të përbashkët me të atin. Ky i fundit i kishte një borxh Baxhinovskit. Ka pasur një debat të momentit dhe autori i dyshuar ka nxjerrë armën duke e qëlluar. Polica e ka pasur më të lehtë të identifikojë autorin, pasi djali e njihte. Po ashtu ka pasur edhe dëshmitarë të shumtë për ngjarjen”, sqaroi Lala.
Më tej gazetarja tha se, prokuroria deklaron se autori i dyshuar është Islam Myrkaj, për të cilin është caktuar masa “arrest me burg” në mungesë.
