Aktori i humorit, Florian Binaj ka bërë një status në rrjete sociale ku ka denoncuar me anë të një video nivelin e lartë të smogut që ka mbuluar Tiranën.
Në videon e [publikuar nga aktori shfaqet një urban afër qendrës spitalore ”Nën Tereza”, që po i nxjerr shumë tym.
Binaj në një farë mënyre I kërkon llogari autoriteteve se pse nuk bëjnë asgjë për të rregulluar gjendjen e tmerrshme dhe nivelin e lartë të smogut që po i merr jetën qytetarëve.
“Është e tmerrshme që qeveritë , ministritë dhe të gjitha pushtetet lejojnë një vrasje të tillë të shëndetit tonë duke e rritur numrin e rasteve me kancer vit pas viti edhe tek moshat e reja.”
Aktori ndihet i rrezikuar nga kjo gjendje dhe thotë se vdekja po i vjen rrotull atij dhe gjithë njerëzve që ai njeh.
“Personalisht kam miq që i vuajnë këto pasoja sot, të tjerë nuk ja dolën dot, nesër mund ta kem radhën unë ose dikush tjetër nëse nuk ndalon kjo çmenduri që më shumë se kushdo prek shëndetin e fëmijëve”.
Tirana është një nga qytetet më të ndotura në Europë dhe smogu i lartë po shkakton shumë sëmundje banorëve të këtij qyteti.
Statusi i plotë i aktorit:
Këto pamje janë bërë në mes të Tiranës, afër qëndrës spitalore Nënë Tereza…
Është E TMERRSHME që qeveritë, ministritë dhe të gjitha pushtetet lejojnë një vrasje tē tillë të shëndetit tonë duke rritur numrin e rasteve me kancer vit pas viti edhe tek moshat e reja…
Personalisht kam miq që i vuajnë keto pasoja që sot, të tjerë nuk ia dolën dot, nesër mund ta kem rradhën unë ose dikush tjetër nëse nuk ndalon kjo çmenduri që më shumë se kushdo prek shëndetin e brishtë të të gjithë fëmijëve…
Nuk di ç’të them më…jam pa fjalë.
