Në nëntor të 2015 një grup aktivistësh të Lëvizjes për Universitetin goditën me vezë kryeministrin Rama në shenjë proteste për shkak të Ligjit për Arsimin e Lartë.
Gjykata e Shkallës së Parë i shpalli fajtor por ata ende edhe sot enden dyerve tè gjykatave pasi e kanë ankimuar në shkallët e tjera. Sot u zhvillua gjyqi në Gjykatën e Apelit, ku vendosi të ruajë vendimin e shkallës së parë për shpalljen fajtorë të studentëve, pasi refuzoi të shqyrtojë çështjen e ankimuar duke përdorur justifikime proceduriale të pabaza.
Pas këtij vendimi, Lëvizja p♪7r Universitetin ka reaguar me anë të një postimi në FACEBOOK, ku thonë se trupa gjykuese ka dashur të lajë duart me çështjen. Në njërën anë, nuk ka dashur t’i prishë punët me kryeministrin Rama, kurse në anën tjetër nuk ka dashur të mbajë njollën e turpit të dënimit të studentëve protestues.
Ata paralajmërojnë se nuk do ta pranojnë si vendim dhe do e çojnë për ankimim në Gjykatën e Lartë për ta rikithyer sërish çështjen në Gjykatën e Apelit me një trupë të re gjykuese.
Postimi i plotë i Lëvizjes Për Universitetin
Gjykata e Apelit, me në krye gjyqtaren Fatmira Hajdari, vendosi të ruajë vendimin e shkallës së parë për shpalljen fajtorë të studentëve që goditën me vezë kryeministrin Rama në nëntor të vitit 2015. Trupa gjyqësore refuzoi të shqyrtojë çështjen e ankimuar duke përdorur justifikime proceduriale të pabaza. Ndaj studentët aktivistë nuk do ta pranojnë si vendim dhe do e çojnë për ankimim në Gjykatën e Lartë për ta rikithyer sërish çështjen në Gjykatën e Apelit me një trupë të re gjykuese.
Në qasjen tonë, trupa gjykuese ka dashur të lajë duart me çështjen. Në njërën anë, nuk ka dashur t’i prishë punët me kryeministrin Rama, kurse në anën tjetër nuk ka dashur të mbajë njollën e turpit të dënimit të studentëve protestues.
Pavarësisht dënimeve dhe proceseve gjyqësore, frytet e rezistencës disavjeçare kundër ligjit të arsimit të lartë u dhanë muaj e fundit, kur dhjetëra mijëra studentë vërshuan rrugëve për të kundërshtuar politikat e mbrapshta qeveritare në arsim.
Përpjekja vazhdon!
https://www.facebook.com/PerUniversitetin/posts/2092722827432357
